قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №66

2016 جىلعى 22 قاڭتار, استانا قالاسى مەملەكەتتىك ءبىلىم بەرۋ ۇيىمدارىنىڭ جاتاقحانالارىنداعى ورىنداردى ءبولۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابى 46-13) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك ءبىلىم بەرۋ ۇيىمدارىنىڭ جاتاقحانالارىنداعى ورىنداردى ءبولۋ قاعيدالارى بەكىتىلسىن. 2. جوعارى, جوعارى وقۋ ورنىنان كەيىنگى ءبىلىم جانە حالىقارالىق ىنتىماقتاستىق دەپارتامەنتى (س.م. ومىرباەۆ) زاڭنامادا بەلگىلەنگەن تارتىپپەن: 1) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋدى, سونداي-اق, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگى رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنعا جولداۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى. 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشىلارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن. 3. وسى بۇيرىقتى جوعارى جانە جوعارى وقۋ ورنىنان كەيىنگى ءبىلىم, كاساپتىك-تەحنيكالىق جانە ورتا بىلىمنەن كەيىنگى ءبىلىم بەرۋ ۇيىمدارىنىڭ نازارىنا جەتكىزىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و. بالىقباەۆقا جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ «كەلىسىلدى» قازاقستان رەسپۋبليكاسى اۋىل شارۋاشىلىعى مينيسترلىگى ____________________ ا. مامىتبەكوۆ 2016 جىلعى 15 اقپان «كەلىسىلدى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى _________________ ت. دۇيسەنوۆا 2016 جىلعى 17 اقپان «كەلىسىلدى» قازاقستان رەسپۋبليكاسى مادەنيەت جانە سپورت مينيسترلىگى ______________________________ ا. مۇحامەدي ۇلى 2016 جىلعى 19 اقپان قازاقستان رەسپۋبليكاسى ءبىلىم جانە عىلىم ءمينيسترىنىڭ 2016 جىلعى 22 قاڭتارداعى № 66 بۇيرىعىمەن بەكىتىلدى مەملەكەتتىك ءبىلىم ۇيىمدارىنىڭ جاتاقحانالارىنداعى ورىنداردى ءبولۋ قاعيدالارى 1. جالپى ەرەجەلەر 1. وسى مەملەكەتتىك ءبىلىم ۇيىمدارىنىڭ جاتاقحانالارىنداعى ورىنداردى ءبولۋ قاعيدالارى (بۇدان ءارى - قاعيدا) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابى 46-13) تارماقشاسىنا سايكەس ازىرلەندى. 2. قاعيدالار ءبىلىم الۋشىلار ءۇشىن جاتاقحانالاردا تۇرۋعا ورىن ءبولۋدىڭ نەگىزدىلىگى مەن كەزەكتىلىگىن ەسكەرە وتىرىپ, مەملەكەتتىك ءبىلىم بەرۋ ۇيىمدارىنىڭ (بۇدان ءارى - ۇيىم) جاتاقحانالارىنداعى ورىنداردى ءبولۋ ءتارتىبىن ايقىندايدى. 2. كوميسسيانى قالىپتاستىرۋ ءتارتىبى 3. جاتاقحانالارداعى ورىنداردى كونكۋرستىق نەگىزدە, ارنايى قۇرىلعان كوميسسيا بولەدى. 4. جاتاقحانالارداعى ورىنداردى ءبولۋ جونىندەگى كونكۋرستىق كوميسسيانىڭ (بۇدان ءارى – كونكۋرستىق كوميسسيا) ساندىق جانە جەكە قۇرامىن, سونداي-اق ونىڭ وكىلەتتىك مەرزىمدەرىن ۇيىمنىڭ ءبىرىنشى باسشىسى ايقىندايدى. 5. كونكۋرستىق كوميسسيا مىناداي قۇرامدا قۇرىلادى: 1) ۇيىمنىڭ باسشىلىق قۇرامىنىڭ وكىلى – ءبىلىم الۋشىلاردىڭ جاتاقحانالاردا تۇرۋ ماسەلەسىنە جەتەكشىلىك ەتەتىن ۇيىم باسشىسىنىڭ ورىنباسارى; 2) قوعامدىق ۇيىمداردىڭ وكىلدەرى - ەرiكتi نەگiزدە قۇرىلعان كاسiپوداقتار جانە باسقا دا بiرلەستiكتەردىڭ وكىلدەرى; 3) ستۋدەنتتىك ءوزىن-ءوزى باسقارۋ ورگاندارىنىڭ وكىلدەرى; 4) دەكانات وكىلدەرى – ءبىلىم الۋشىلاردىڭ جاتاقحانالاردا تۇرۋ ماسەلەسىنە جەتەكشىلىك ەتەتىن دەكاندار نەمەسە دەكانداردىڭ ورىنباسارلارى; 5) جاستار ساياساتىنىڭ ماسەلەلەرىنە جەتەكشىلىك ەتەتىن ۇيىمنىڭ قۇرىلىمدىق بولىمشەلەرىنىڭ وكىلدەرى. 6. ۇيىم باسشىسىنىڭ ءبىلىم الۋشىلاردىڭ جاتاقحانالاردا تۇرۋ ماسەلەسىنە جەتەكشىلىك ەتەتىن ورىنباسارى كونكۋرستىق كوميسسيانىڭ توراعاسى بولىپ تاعايىندالادى. 7. كونكۋرستىق كوميسسيا جۇمىسىنىڭ نەگىزگى مىندەتتەرى: 1) كونكۋرستىق كوميسسيا وتىرىسىنىڭ كەستەسىن انىقتاۋ; 2) وتىنىشتەردى جان-جاقتى جانە جاريا تۇردە قاراۋ, سونداي-اق ولاردىڭ قورىتىندىلارى بويىنشا ءبىلىم الۋشىلاردىڭ قۇقىقتارى مەن مۇددەلەرىنە قىسىم جاسامايتىن شەشىمدەر قابىلداۋ; 3) كونكۋرستىق كوميسسيا وتىرىسىنىڭ قورىتىندىلارى بويىنشا شەشىمدەر شىعارۋ بولىپ تابىلادى. 3. مەملەكەتتىك ءبىلىم بەرۋ ۇيىمدارىنىڭ جاتاقحانالارىنداعى ورىنداردى ءبولۋ ءتارتىبى 8. كونكۋرستىق كوميسسيا جاتاقحانادا ورىن ءبولۋدى وسى قاعيدانىڭ قوسىمشاسىنا سايكەس بەلگىلەنگەن نىسان بويىنشا ءبىلىم الۋشىنىڭ جازباشا ءوتىنىشى نەگىزىندە ونىڭ مارتەبەسىن راستايتىن ءتيىستى قۇجاتتاردى قوسا بەرۋ ارقىلى نەمەسە «ەلەكتروندى ۇكىمەتتىڭ» – www.e.gov.kz ۆەب-پورتالىندا ەلەكتروندى تۇردە بەرىلگەن ءوتىنىشى نەگىزىندە جۇزەگە اسىرىلادى. 9. قازاقستان رەسپۋبليكاسى ادىلەت ءمينيسترىنىڭ 2015 جىلعى 28 ساۋىردەگى № 246 بۇيرىعىمەن بەكىتىلگەن, نورماتيۆتىك قۇقىقتىق اكتىنىڭ مەملەكەتتىك تىركەۋدىڭ تىزىلىمىندە № 11408 تىركەلگەن «جىلجىمايتىن م ۇلىكتىڭ بولماۋى (بولۋى) تۋرالى انىقتاما بەرۋ» مەملەكەتتىك كورسەتىلەتىن قىزمەت ستاندارتىنا سايكەس ۇيىم ورنالاسقان قالادا (ەلدى مەكەندە) جەكە مەنشىگىندە تۇرعىن ءۇي بىرلىگى جوق (پاتەر, ءۇي)) انىقتاما ۇسىنعان جاعدايدا جاتاقحانالارداعى ورىندار تۇرعىن جايعا ايرىقشا مۇقتاج ءبىلىم الۋشىلار اراسىندا بولىنەدى. 10. كونكۋرستىق كوميسسيا جاتاقحانالارداعى ورىنداردى ءبولۋدى نەگىزدەمەلەر مەن كەزەكتىلىكتى ەسكەرە وتىرىپ, مىناداي تارتىپپەن جۇزەگە اسىرادى: 1) مۇگەدەكتەر قاتارىنان مۇمكىندىگى شەكتەۋلى ادامدار; بالا كەزدەن مۇگەدەكتەر; ءى جانە ءىى توپتاعى مۇگەدەكتەر; مۇگەدەك بالالار; جەتىم بالالار جانە اتا-انالارىنىڭ قامقورلىعىنسىز قالعان بالالار; اتا-اناسىنىڭ ەكەۋىندە دە نەمەسە اتا-اناسىنىڭ بىرىندە مۇگەدەكتىگى بارلار; 2) كامەلەتتىك جاسقا جەتكەن ساتتە اتا-انالارىنىڭ قامقورلىعىنسىز قالعان ادامدار; اتا-انالارى جەڭىلدىكتەر مەن كەپىلدىكتەر بويىنشا ۇلى وتان سوعىسىنا قاتىسۋشىلارعا جانە مۇگەدەكتەرگە تەڭەستىرىلگەندەر; اۋىل جاستارى قاتارىنان شىققان, اۋىلدىڭ الەۋمەتتىك-ەكونوميكالىق دامۋىن ايقىندايتىن ماماندىقتارعا وقۋعا تۇسكەن ادامدار, سونداي-اق قازاقستان رەسپۋبليكاسىنىڭ ازاماتتارى بولىپ تابىلمايتىن «ورالماندار»; 3) «ماڭگىلىك ەل جاستارى – يندۋسترياعا!» («سەرپىن - 2050») باعدارلاماسى شەڭبەرىندەگى ءبىلىم الۋشىلار; 4) «التىن بەلگى» يگەرەلەرى بولىپ تابىلاتىن ءبىرىنشى كۋرسقا قابىلدانعان ءبىلىم الۋشىلار, پرەزيدەنتتىك, حالىقارالىق جانە رەسپۋبليكالىق وليمپيادا جانە/نەمەسە كونكۋرس جەڭىمپازىنىڭ سەرتيفيكاتىن يەلەنگەن ءبىلىم الۋشىلار, سونداي-اق وقۋ ورنىن ۇزدىك بىتىرگەن, ءبىلىم تۋرالى راستايتىن قۇجاتى بار (كۋالىكتەر, اتتەستات, ديپلوم) تالاپكەرلەر. 5) ۇلتتىق بىرىڭعاي تەستىلەۋ نەمەسە كەشەندى تەستىلەۋ قورتىندىلارى, ۇيىم وتكىزگەن قابىلداۋ ەمتيحاندارى نەمەسە تەستىلەۋ تۇرىندە پاندەر قورىتىندىلارى بويىنشا جوعارى بالل جيناعان مەملەكەتتىك ءبىلىم بەرۋ گرانتى بويىنشا وقۋعا قابىلدانعان ءبىرىنشى كۋرس ءبىلىم الۋشىلار; ۇلتتىق بىرىڭعاي تەستىلەۋ نەمەسە كەشەندى تەستىلەۋ قورتىندىلارى, ۇيىم وتكىزگەن ءپان بويىنشا نەمەسە تەستىلەۋ تۇرىندەگى قابىلداۋ ەمتيحاندارى پاندەر قورىتىندىلارى بويىنشا تەڭ بالل جيناعان كەزدە كونكۋرستىق كوميسسيا قازاقستان رەسپۋبليكاسى 2008 جىلعى 25 قاڭتارداعى № 64 قاۋلىسىمەن بەكىتىلگەن مەملەكەتتىك ءبىلىم بەرۋ مەكەمەلەرىنىڭ مەملەكەتتىك اتاۋلى الەۋمەتتىك كومەك الۋعا قۇقىعى بار وتباسىلاردان, سونداي-اق مەملەكەتتىك اتاۋلى الەۋمەتتىك كومەك المايتىن, جان باسىنا شاققانداعى تابىسى ەڭ تومەنگى كۇنكورىس دەڭگەيىنىڭ شاماسىنان تومەن وتباسىلاردان شىققان ءبىلىم الۋشىلارى مەن تاربيەلەنۋشىلەرىنە جانە جەتىم بالالارعا, اتا-اناسىنىڭ قامقورلىعىنسىز قالىپ, وتباسىلاردا تۇراتىن بالالارعا, توتەنشە جاعدايلاردىڭ سالدارىنان شۇعىل جاردەمدى تالاپ ەتەتىن وتباسىلاردان شىققان بالالارعا جانە وزگە دە ساناتتاعى ءبىلىم الۋشىلار مەن تاربيەلەنۋشىلەرگە قارجىلاي جانە ماتەريالدىق كومەك كورسەتۋگە بولىنەتىن قاراجاتتى قالىپتاستىرۋ, جۇمساۋ باعىتى مەن ولاردى ەسەپكە الۋ قاعيدالارىنا سايكەس ءوتىنىش يەسىنىڭ (وتباسىنىڭ) جەرگىلىكتى اتقارۋشى ورگاندار ۇسىناتىن مەملەكەتتىك اتاۋلى الەۋمەتتىك كومەك الۋشىلارعا تيەسىلىلىگىن راستايتىن انىقتاما ۇسىنعان جاعدايدا, ءبىلىم الۋشىنىڭ ماتەريالدىق جاعدايىن ەسكەرەدى. 6) وقۋ, عىلىمي جانە قوعامدىق جۇمىستاردا جوعارى ناتيجەلەرگە جەتكەن جوعارعى كۋرس ستۋدەنتتەرى قاتارىنداعى ءبىلىم الۋشىلار. 11. ءبىلىم الۋشىلار قاتارىنداعى شەتەلدىك ازاماتتار حالىقارالىق جانە ۇكىمەتارالىق شارتتارعا سايكەس جاتاقحانالارداعى ورىندارمەن قامتاماسىز ەتىلەدى. 12. كونكۋرستىق كوميسسيا وتىنىشتەردى قاراۋ قورىتىندىلارى بويىنشا جاتاقحانادان ورىن بەرۋ تۋرالى شەشىم قابىلدايدى. 13. كونكۋرستىق كوميسسيا ءبىلىم الۋشىنىڭ كۇتپەگەن وتباسىلىق, ماتەريالدىق جانە باسقا جاعداياتتار سەبەپتەرىنەن تۇرعىن جايعا مۇقتاجدىعى تۋىنداعاندا جاتاقحانادان ورىن بەرۋ تۋرالى, سونداي-اق جاتاقحانادا تۇرۋ ەرەجەلەرىن نەمەسە ۇيىمنىڭ جارعىسىن ساقتاماعانى ءۇشىن نەگىزدەلگەن ۇسىنىس بويىنشا جاتاقحانادان شىعارۋ تۋرالى شەشىم قابىلدايدى. 14. كونكۋرستىق كوميسسيا جاتاقحانالاردا ورىن ءبولۋدى كەزەڭ-كەزەڭمەن: 1) ءبىرىنشى كۋرستان باسقا, بارلىق كۋرستاردا كەلەسى وقۋ جىلىندا ءبىلىم الۋشىلارعا وقۋ جىلىنىڭ سوڭىندا (ماۋسىم); 2) ءبىرىنشى كۋرسقا وقۋعا قابىلدانعان نەمەسە باسقا وقۋ ورىندارىنان اۋىسىپ كەلگەن ءبىلىم الۋشىلارعا وقۋ جىلىنىڭ باسىندا (تامىز); 3) جاتاقحانالاردا تۇراتىن ءبىلىم الۋشىلار كونتينگەنتىنىڭ وزگەرۋىنە سايكەس, سونداي-اق اۋىسىپ كەلگەن نەمەسە قايتا قابىلدانعان ءبىلىم الۋشىلاردى نەگىزدى ورنالاستىرۋ ءۇشىن وقۋ جىلىنىڭ ىشىندە, قاجەتتىلىگىنە قاراي جۇرگىزەدى. 15. كونكۋرستىق كوميسسيا توراعاسىنىڭ قولى قويىلعان جاتاقحانادا تۇرۋ ءۇشىن جاسالعان ءتىزىم نەگىزىندە ءبىلىم الۋشىعا جاتاقحانادان ورىن بەرىلگەنى تۋرالى جولداما بەرىلەدى. مەملەكەتتىك ءبىلىم ۇيىمدارىنىڭ جاتاقحانالارىنداعى ورىنداردى ءبولۋ قاعيداسىنا قوسىمشا نىسان ________________________________________________________________________ ________________________________________________________________________ ________________________________________________________________________ جوو باسشىسىنىڭ تولىق اتى-ءجونى (بولعان جاعدايدا) ________________________________________ فاكۋلتەتiنiڭ ________________________________________ ماماندىعىنىڭ ________________________________________ توبىنىڭ, كۋرس ستۋدەنتى__________________________________ اتى-ءجونى تولىق جازىلسىن (بولعان جاعدايدا) __________________________________________ ءوتىنىش ماعان ۋنيۆەرسيتەت جاتاقحاناسىنان ءبىر ورىن ءبولىپ بەرۋىڭىزدى سۇرانامىن. كەلگەن جەرىم __________________________________________________________________ ______________________________________________________________________________ ______________________________________________________________________________ ______________________________________________________________________________ «____»_______________20__ج. ________________________ قولى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 16 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13487 بولىپ ەنگىزىلدى.